பின்னணி பாடகி ஜிக்கி கவலைக்கிடம்

சென்னை:

பிரபல பின்னணி பாடகி ஜிக்கி கவலைக்கிடமான நிலையில் மருத்துவமனையில் சிகிச்சை பெற்றுவருகிறார்.

7 வயதில் பின்னணி பாடகியான ஜிக்கி, தமிழ், மலையாளம், தெலுங்கு, கன்னடம், இந்தி, சிங்களம் ஆகியமொழிகளில் 10,000க்கும் அதிகமான பாடல்களைப் பாடியிருக்கிறார்.

வாராய் நீ வாராய், நாடகம் எல்லாம் கண்டேன், துள்ளாத மனமும் துள்ளும், யாரடீ நீ மோகினி உள்ளிட்டசாகாவரம் பெற்ற பாடல்களைப் ஜிக்கி பாடியிருக்கிறார்.

கடந்த 3 வருடங்களுக்கு முன், ஜிக்கி புற்று நோயினால் பாதிக்கப்பட்டார். தீவிர சிகிச்சைக்குப் பின் ஓரளவுஉடல்நலம் தேறினார். இந் நிலையில் 2 மாதங்களுக்கு முன், புற்று நோய் அவரை மீண்டும் தாக்கியது.

இந்த முறை நோய் தீவிரமாக இருந்ததது. அதனையடுத்து சென்னை அப்பல்லோ மருத்துவமனையில் சிகிச்சைபெற்றார். பின்னர் தியாகராயநகரில் உள்ள சரவணா மருத்துவமனையில் அனுமதிக்கப்பட்டார்.

அங்கு அவருக்கு தீவிர சிகிச்சை அளிக்கப்பட்டு வருகிறது. அவரது நிலை கவலைக்கிடமாக இருப்பதாக டாக்டர்கள்தெரிவித்துள்ளனர்.