மேட்டூர் அணையின் நீர்மட்டம் 92 அடி

சேலம்:

மேட்டூர் அணையின் நீர்மட்டம் 92.02 அடியாக இருந்தது. அணையிலிருந்து விநாடிக்கு 9,147 கன அடி நீர் திறந்துவிடப்படுகிறது.

மேட்டூர் அணை நேற்று முதல் திறந்து விடப்பட்டுள்ளது. அணையிலிருந்து தினசரி 1 டிஎம்சி தண்ணீர் வீதம் திறந்துவிடப்படும் என முதல்வர் ஜெயலலிதா அறிவித்திருந்தார்.

இந் நிலையில் இன்று காலை நிலவரப்படி அணையில் 92.02 அடி நீர் இருப்பு இருந்தது. அணையிலிருந்துவிநாடிக்கு 9,147 கன அடி நீர் திறந்து விடப்படுகிறது. அணைக்கு விநாடிக்கு 12,000 கன அடி நீர் வந்துகொண்டுள்ளது.

தற்போது திறந்து விடப்பட்டுள்ள தண்ணீர் ஞாயிறு மாலை அல்லது திங்கள்கிழமை காலை கல்லணையைஅடையும். பின்னர் அங்கிருந்து காவிரி-வெண்ணாறு-கல்லணைக் கால்வாய்களுக்கு தண்ணீர் பிரித்துஅனுப்பப்படும்.