நடைபயணத்தில் வைகோவுக்கு பி.டி.ஆர். வாழ்த்து

மதுரை:

நடைபயணமாக மதுரை வந்த மதிமுக பொதுச் செயலாளர் வைகோவுக்கு, முன்னாள் சபாநாயகர் பி.டி.ஆர்.பழனிவேல்ராஜன் வாழ்த்து தெரிவித்தார்.

மதுரை மேலூரில் நடந்த பொதுக் கூட்டத்தில் வைகோ கலந்து கொண்டார். மதுரையிலிருந்து வைகோ கிளம்பிமேலூர் செல்லும் வழியில் தமுக்கம் மைதானம் அருகே பி.டி.ஆர்.பழனிவேல்ராஜன், வைகோவை வரவேற்றார்.

வைகோவுக்கு சால்வையும், மாலையும் அணிவித்த பி.டி.ஆர். வைகோவை கட்டித் தழுவி வாழ்த்தினார். பி.டி.ஆர்.வந்து தன்னை வாழ்த்தியதை பெருமையாக நினைத்த வைகோ உணர்ச்சிவசப்பட்டுக் காணப்பட்டார்.

பின்னர் மதுரை நீதிமன்ற வளாகத்தை வைகோ கடந்தபோது, பல்வேறு வழக்கறிஞர்களும் வைகோவுக்கு கைகுலுக்கி வாழ்த்து தெரிவித்தனர்.