• search
For Quick Alerts
ALLOW NOTIFICATIONS  
For Daily Alerts

சென்னையில் காங்கிரஸ் பெண் கவுன்சிலர் கடத்தல்

By Staff
|
சென்னை:

அதிமுகவிலிருந்து விலகி காங்கிரஸ் கட்சியில் இணைந்த பெண் கவுன்சிலரையும் அவரது மகளையும்அதிமுகவினர் கடத்திச் சென்று விட்டதாக அவரது கணவர் போலீஸில் புகார் கொடுத்துள்ளார். இந்தக் கடத்தலைஎதிர்த்து காங்கிரசார் நடத்திய தர்ணா போராட்டத்தைக் கலைக்க போலீசார் தடியடி நடத்தியதால் ராயபுரத்தில்பெரும் பரபரப்பு ஏற்பட்டுள்ளது.

சென்னை ராயபுரம் 19வது வார்டு மாநகராட்சி கவுன்சிலர் தெய்வநாயகி. காங்கிரஸ் கட்சியைச் சேர்ந்த இவர்சமீபத்தில் அதிமுகவில் இணைந்தார்.

இந் நிலையில் சுதந்திர தினத்தையொட்டி காங்கிரஸ் அலுவலகமான சத்தியமூர்த்தி பவனில் நடந்த நிகழ்ச்சிக்குதனது கணவருடன் வந்த தெய்வநிாயகி, கட்சித் தலைவர் ஜி.கே.வாசன் முன்னிலையில் மீண்டும் காங்கிரஸில்இணைந்தார்.

ஆனால், நேற்று மாலை முதல் தெய்வநாயகியையும், அவரது மகள் தமிழ்ச் செல்வியையும் (5 வயது)காணவில்லை. அவர்களை அதிமுகவினர்தான் கடத்திச் சென்றிருக்க வேண்டும் என தெய்வநாயகியின் கணவர்ராஜன் ராயபுரம் காவல் நிலையத்தில் புகார் கொடுத்துள்ளார்.

50க்கும் மேற்பட்ட அதிமுகவினர் சேர்ந்து தனது மனைவி மற்றும் மகளை கடத்திச் சென்றதாக தனது புகாரில் அவர்தெரிவித்துள்ளார். ஆனால், இந்தப் புகாரின் மீது போலீசார் உரிய நடவடிக்கை எடுக்கவில்லை என்று கூறி வடசென்னை மாவட்ட காங்கிரஸ் தலைவர் ராயபுரம் மனோ தலைமையில் காங்கிரசார் தர்ணாவில் ஈடுபட்டனர்.

இதையடுதத்து அவர்கள் மீது போலீசார் தடியடி நடத்தி, மனோ உள்பட 10 பேரை கைது செய்துள்ளனர். இதைத்தொடர்ந்து ஏராளமான காங்கிரசார் காவல் நிலையத்தின் முன் குவியவே கைதானவர்களை போலீசார் விடுவித்தனர்.

பெண் கவுன்சிலர் மகளுடன் கடத்தப்பட்டது, தர்ணா, கைதுகள், தடியடியால் ராயபுரம் பகுதியில் பரபரப்புநிலவுகிறது.

இதற்கிடையே பெண் கவுன்சிலர் கடத்தப்பட்டது குறித்து காவல்துறை ஆணையருடன் காங்கிரஸ் தலைவர் வாசன்தொலைபேசியில் தொடர்பு கொண்டு பேசியுள்ளார். அப்போது இன்று இரவுக்குள் இருவரையும் மீட்கநடவடிக்கை எடுப்பதாக கமிஷ்னர் உறுதியளித்ததாகத் தெரிகிறது.

இந் நிலையில் அதிமுக கவுன்சிலர் வெற்றிவேலின் ஆதரவாளர்கள் தான் தனது மனைவி, மகளைக்கடத்தியுள்ளதாக ராஜன் குற்றம் சாட்டியுள்ளார்.

மாநகராட்சியில் அதிமுகவுக்கு 76 கவுன்சிலர்களும், எதிர்க் கட்சிகளுக்கு 74 கவுன்சிலர்களும் உள்ளனர். இப்போதுதெய்வநாயகி காங்கிரசில் இணைந்துள்ளதால் இரு தரப்பினருமே சம பலத்தை அடைந்துள்ளனர். இதனால் துணைமேயர் உள்ளிட்ட மாநகராட்சியின் ஆட்சிப் பொறுப்பை அதிமுக இழக்கும் நிலையில் உள்ளது.

இதனாலேயே அவர் கடத்தப்பட்டுள்ளதாக காங்கிரசார் கூறுகின்றனர்.

இன்று நிருபர்களிடம் பேசிய காங்கிரஸ் தலைவர் வாசன்,

கவுன்சிலர் கடத்தப்பட்ட விஷயத்தில் போலீசாரிடம் இருந்து பொறுப்பான பதில் கிடைக்கவில்லை. இந்தக்கடத்தலே அதிமுகவினரால் தான் நடத்தப்பட்டுள்ளது. தெய்வநாயகியுடன் அவரது மகளும் கடத்தப்பட்டுள்ளார்.அவருக்கு உயிருக்கு ஆபத்து இருப்பதாக கணவர் அஞ்சுகிறார்.

சுதந்திர தினத்தன்று ஒரு கவுன்சிலரே சுதந்திரமாக நடமாட முடியாத அளவுக்கு தமிழகத்தில் சட்டம் ஒழுங்கு சீர்குலைந்து போயுள்ளது. தெய்வநாயகியை மீட்க போலீஸ் தவறுமானால் மாபெரும் போராட்டத்தில் காங்கிரஸ்இறங்கும் என்றார்.

Mail this to a friend  Post your feedback  Print this page 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

வட சென்னை தொகுதியின் மொத்த தேர்தல் தகவலும் இங்கே!
தொகுதி அமைப்பு
மக்கள் தொகை
18,06,761
மக்கள் தொகை
  • ஊரகம்
    0.00%
    ஊரகம்
  • நகர்ப்புறம்
    100.00%
    நகர்ப்புறம்
  • எஸ்சி
    19.49%
    எஸ்சி
  • எஸ்டி
    0.20%
    எஸ்டி

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more