ஒலிம்பிக்: வெள்ளி பதக்கம் வென்றது இந்தியா

ஏதென்ஸ்:

ஒலிம்பிக் போட்டி வரலாற்றிலேயே முதல் முறையாக இந்தியா இன்று வெள்ளிப் பதக்கத்தை வென்றது.

இன்று நடந்த துப்பாக்கி சுடுதல் போட்டியில் ராஜ்யவர்தன் சிங் ரத்தோர் (24) இந்தப் பதக்கத்தை வென்றார்.இந்தியா பெறும் முதல் வெள்ளிப் பதக்கம் இது தான்.

இந்திய ராணுவத்தின் முன்னாள் மேஜரான சிங், டபுள் ட்ராப் துப்பாக்கிச் சுடுதல் போட்டியில் 179புள்ளிகள் பெற்று இரண்டாவது இடத்தைப் பிடித்தார்.

ஐக்கிய அரபு நாடுகளின் ஷேக் அகமத் அல்-மக்தும் 189 புள்ளிகள் வென்று தங்கப் பதக்கத்தைவென்றார். சீனாவின் வாங் ஷாக் வெண்கலம் வென்றார்.

ஹாக்கி:

ஒலிம்பிக் ஹாக்கி போட்டியில் இன்று இந்திய அணி தென் ஆப்ரிக்காவை எதிர்த்து விளையாடுகிறது.

ஹாக்கியில் பி பிரிவில் இடம் பெற்றிருக்கும் இந்திய அணி முதல் சுற்றில் ஹாலந்திடம் 1-3 என்ற கோல் கணக்கில் தோற்றது.இதனையடுத்து இரண்டாவது சுற்றுப் போட்டியில் இன்று இந்தியா தென் ஆப்பிரிக்காவை எதிர்த்து விளையாடுகிறது.

தென் ஆப்பிரிக்க அணி முதல் போட்டியில் 2-1 என்ற கோல் கணக்கில் அர்ஜென்டினாவை வீழ்த்தி, தன்னம்பிக்கையுடன் உள்ளது.

போட்டி குறித்து இந்திய அணியின் பயிற்சியாளர் ஜெர்ஹார்டு ராக் கூறியதாவது:

ஹாலந்திற்கு எதிரான போட்டியில் பந்தை பாஸ் செய்வதில் ஏற்பட்ட தடுமாற்றங்கள் காரணமாகவும், அனுபவம் இல்லாதஇளம் வீரர்களின் தவறுகளாலும் இந்திய அணி தோல்வியைத் தழுவியது. இனி வரும் போட்டிகளில் இந்தத் தவறுகள் தொடராதுஎன்று நம்புகிறேன்.

அடுத்து வரும் போட்டிகளில் வெற்றி பெற்றால் மட்டுமே இந்திய அணி அரையிறுதிக்கு தகுதி பெற முடியும். எனவே வீரர்களின்செயல்பாட்டில் சிறப்பான முன்னேற்றம் இருக்கும் என்றார்.

வில் வித்தை:

ஒலிம்பிக் வில்வித்தை மகளிர் தனிநபர் பிரிவு -போட்டியில் இன்று இந்தியாவின் ரீனா குமாரி மற்றும் சுமங்கள ஷர்மாவும்,குத்துச்சண்டை பிளை வெயிட் 51 கிலோ பிரிவில் -அகில்குமாரும் பாந்தம் வெயிட் 54 கிலோ பிரிவில் திவாகர் பிரசாத்தும்விளையாடுகின்றனர்.

டென்னிஸ், துப்பாக்கி சுடுதல்:

ஆடவர் இரட்டையர் டென்னிஸ் 2-வது சுற்றில் பயஸ், பூபதி இணையும், பாட்மிண்டன் ஆடவர் இரட்டையர் 2-வது சுற்றில்- நிகில்கனேட்கரும், ஆடவர் டபுள் டிராப் பிரிவு - துப்பாக்கிச் சுடுதல் போட்டியில் ராஜ்யவர்தன் சிங் ரதோரும், பாய்மரப் படகுப்போடடியில் மாலவ் ஷிராப் மற்றும் சுமீத் படேலும் இன்று விளையாடுகின்றனர்.

பதக்கப் பட்டியல்:

ஒலிம்பிக்கில் அதிக பதக்கங்களைப் பெற்றுள்ள முதல் 11நாடுகள்:

1. சீனா- 10 தங்கம்- 4 வெள்ளி- 1 வெண்கலம்

2. ஆஸ்திரேலியா 6- 2- 5

3. ஜப்பான் 5- 1- 1

4. அமெரிக்கா 3- 5- 5

5. பிரான்ஸ் 2- 2- 3

5. இத்தாலி 2- 2 -1

6. துருக்கி 2- 0- 1

7. உக்ரைன் 2- 0 -1

8. ரஷ்யா 1- 5- 2

9. ஜெர்மனி 1- 2- 1

10. ஹங்கேரி 1- 1- 1

11. இந்தியா 0- 1- 0