மத்திய அரசுக்கு எதிராக அதிமுக போராட்டம்

சென்னை:

மத்திய அரசைக் கண்டித்து வரும் 23ம் தேதி மாநிலம் தழுவிய போராட்டம் நடத்த அதிமுக முடிவு செய்துள்ளது.

அரசு, தனியார்துறை ஊழியர்கள், தொழிலாளர்களின் பி.எப். மீதான வட்டி விகிதத்தை 9 சதவீதத்தில் இருந்து 8.5 சதவீதமாகமத்திய அரசு குறைத்ததை எதிர்த்து இந்தப் போராட்டத்தை நடத்தவுள்ளதாக அதிமுக அறிவித்துள்ளது.

இது குறித்து அதிமுக தொழிலாளர் பிரிவுத் தலைவர் ஜக்கையன் வெளியிட்டுள்ள அறிக்கையில், தமிழகம் முழுவதும் மாவட்டத்தலைநகர்களில் உள்ள மத்திய அரசு அலுவலங்கள் முன் அதிமுகவினர் கண்டனப் போராட்டத்தில் ஈடுபடுவர் என்றுஅறிவித்துள்ளார்.