ஒலிம்பிக்: இறுதி சுற்றுக்கு அஞ்சு ஜார்ஜ் தகுதி

ஏதென்ஸ்:

ஒலிம்பிக் மகளிர் நீளம் தாண்டுதல் இறுதிப் போட்டிக்கு இந்தியாவின் நம்பிக்கை நட்சத்திரம் அஞ்சு ஜார்ஜ் தகுதி பெற்றார்.

தகுதிச் சுற்றில் 6.69 மீட்டர் தொலைவுக்கு நீளம் தாண்டியதன் மூலம் இறுதிப் போட்டிக்கு தகுதிபெற்றார். மேலும் ஒலிம்பிக் தடகளப்போட்டிகளில் இறுதிப் போட்டிக்கு நுழையும் இரண்டாவது இந்திய வீராங்கனை என்ற பெருமையையும் அவர் பெற்றார்.

ஹாக்கி: பாக்.கிடம் இந்தியா தோல்வி

ஆடவர் ஹாக்கியில் இந்தியா 0-3 என்ற கோல் கணக்கில் பாகிஸ்தானிடம் மோசமான தோல்வியை சந்தித்தது.

இப் போட்டியில் வென்று, ஒலிம்பிக் போட்டிகளில் 5வதுஇடத்தைப் பிடித்திருந்தால், பாகிஸ்தானில் வரும் டிசம்பரில் நடைபெறும்சாம்பியன்ஸ் கோப்பை போட்டிக்கு இந்தியா நேரிடையாக தகுதிபெற்றிருக்கும்.

1928 முதல் 1980 வரை நடைபெற்ற 12 ஒலிம்பிக் போட்டிகளில் 11 பதக்கங்களை வென்ற இந்திய ஹாக்கி அணி அதற்குப் பிறகுஇதுவரை அரை இறுதிக்கு நுழையும் தகுதியைக் கூட பெறவில்லை.