கிரிக்கெட்: தென் ஆப்ரிக்கா அபார வெற்றி

பர்மிங்ஹாம் :

மினி உலகக் கோப்பை கிரிக்கெட் தொடரில் தென் ஆப்ரிக்க அணி வங்காள தேசம் அணியை 9 விக்கெட்வித்தியாசத்தில் வீழ்த்தி சிறப்பான வெற்றியைப் பெற்றது.

பி பிரிவில் இடம்பெற்றிருந்த தென் ஆப்ரிக்கா, வங்காள தேச அணிகள் மோதின. டாஸ் வென்ற வங்காள தேசம்பேட்டிங் செய்ய முடிவெடுத்தது.

தென் ஆப்ரிக்க வீரர் லாங்கிவெல்டின் வேகப் பந்து வீச்சில் வங்கதேசத்தின் முன்னணி வீரர்கள் மளமளவெனஅவுட்டானார்கள். ஓமர் 4 ரன்களிலும், அஷ்ரபுல் 4 ரன்களிலும், சலே ரன் ஏதும் எடுக்காமலும் அவுட்டாக ஒருகட்டத்தில் இந்த அணி 4 விக்கெட் இழப்புக்கு 20 ரன்கள் மட்டுமே எடுத்து தடுமாறியது. அடுத்து வந்த நாசிப்இக்பால் (40), காலித் மசூத் (24) இருவரும் ஓரளவு சுதாரித்து விளையாடினாலும், அவர்கள் அவுட் ஆன பின்புவந்த வீரர்கள் சொற்ப ரன்களிலேயே அவுட் ஆனார்கள்.

இறுதியில் வங்காள தேசம் 31.3 ஓவர்களில் 93 ரன்கள் மட்டுமே எடுக்க முடிந்தது. தென் ஆப்ரிக்க தரப்பில்லாங்கிவெல்ட், நிட்டினி, போயே ஆகியோர் தலா 3 விக்கெட்கள் வீழ்த்தினர்.

அடுத்து விளையாட வந்த தென் ஆப்ரிக்க அணி 17.5 ஓவரில் 1 விக்கெட் இழப்புக்கு 94 ரன்கள் எடுத்து 9விக்கெட்கள் வித்தியாசத்தில் வெற்றி பெற்றது. கேப்டன் கிரேயம் 42 ரன்களுடனும், காலிஸ் 40 ரன்களுடனும்அவுட்டாகாமல் இருந்தனர்.

இன்று நடைபெறும் போட்டியில் ஆஸ்திரேலியாவும், அமெரிக்காவும் மோதுகின்றன.