போர்ப்ஸ் டாப் 400ல் விப்ரோ, இன்போசிஸ்

நியூயார்க்:

உலகின் முன்னணி 400 நிறுவனங்கள் குறித்த போர்ப்ஸ் இதழின் பட்டியலில் விப்ரோ, இன்போசிஸ், பாரதி டெலிவென்சர்ஸ் மற்றும் ரிலையன்ஸ் உள்பட இந்தியாவின் 8 நிறுவனங்கள் இடம் பிடித்துள்ளன.

உலகளவில் முதலீட்டாளர்களின் கவனத்தை மிக அதிக அளவில் கவர்ந்த நிறுவனங்கள் என்ற வகையில் இவைபோர்ப்ஸ் பட்டியலில் இடம் பிடித்துள்ளன.

பாரத் பெட்ரோலியம், ஓ.என்.ஜி.சி, ஸ்டேட் பாங்க் ஆப் இந்தியா, ஐடிசி ஆகியவை பட்டியலில் இடம் பெற்றுள்ளமற்ற இந்திய நிறுவனங்களாகும்.

பங்கு முதலீடுகளுக்கு நிரந்தரமான பாதுகாப்பும் அதீத வளர்ச்சியும் வழங்கி வருபவை இந்த நிறுவனங்கள் எனபோர்ப்ஸ் பாராட்டியுள்ளது.

கடந்த ஆண்டு போர்ப்ஸ் இதழில் இடம் பிடித்திருந்த இந்தியன் ஆயில், இந்துஸ்தான் பெட்ரோலியம்,இந்துஸ்தான் லீவர் ஆகியவை இம்முறை இடம்பெறவில்லை.

போர்ப்ஸ் இதழின் ஆய்வுப்படி உலகின் டாப் 10 நிறுவனங்கள் விவரம்:

பிபி, எக்ஸான் மொபில், டோடல், அலையன்ஸ், கோனாகோ பிலிப்ஸ், கேரிபோர், சீமென்ஸ், எஐஜி, நெஸ்ட்லே,மெக் கெஸ்ஸன் ஆகியவை.

போர்ப்சின் உலகின் டாப் 400 நிறுவனங்கள் பட்டியலில் இடம் பெற்றுள்ள 141 நிறுவனங்கள் அமெரிக்காவைதலைமையிடமாகக் கொண்டு செயல்படுபவை. 30 நிறுவனங்கள் ஜப்பானையும், 20 நிறுவனங்கள்ஜெர்மனியையும், 19 நிறுவனங்கள் பிரான்ஸையும், 16 நிறுவனங்கள் கனடாவையும் தலைமையிடமாகக் கொண்டுஇயங்குபவை.