கோவையில் கருணாநிதி: மிக பலத்த பாதுகாப்பு

கோயம்புத்தூர்:

அண்ணா பிறந்த நாளையொட்டி கோவையில் இன்று திமுக முப்பெரும் விழா அக் கட்சித் தலைவர் கருணாநிதிதலைமையில் நடக்கிறது.

பகவத் கீதையைக் குறை சொன்ன கருணாநிதிக்கு எதிராக போராட்டம் நடத்தப் போவதாக இந்து அமைப்புகள்மிரட்டியுள்ளதாலும், திமுக அலுவலகம் மீது வெடிகுண்டுகள் வீசப்பட்டதாலும், கருணாநிதி வருகையையொட்டிகோவையில் மிக பலத்த போலீஸ் பாதுகாப்புக்கு ஏற்பாடு செய்யப்பட்டுள்ளது.

இன்று காலை சேரன் எக்ஸ்பிரஸ் ரயில் மூலம் மனைவி ராஜாத்தி அம்மாள், மத்திய அமைச்சர் ராஜா, திமுகமுதன்மை செயலாளர் துரைமுருகன் ஆகியோருடன் கோவை வந்த கருணாநிதிக்கு, ரயில் நிலையத்தில் கோவைமாவட்ட திமுக செயலாளர் பொங்கலூர் பழனிச்சாமி தலைமையில் மிகச் சிறப்பான வரவேற்பு அளிக்கப்பட்டது.

இதையடுத்து, காந்திபுரம் பஸ் நிலையம் அருகே உள்ள அண்ணா சிலைக்கு கருணாநிதி மலர்த் தூவி மரியாதைசெலுத்தினார். அப்போது அவருக்கு பெரியார் திராவிடர் கழகத்தினர் பச்சைக் கொடி வரவேற்பு அளித்தனர்.

ரேஸ்கோர்ஸ் பகுதியில் உள்ள ஒரு ஹோட்டலில் சிறிது நேரம் ஓய்வெடுத்த கருணாநிதி பீளமேட்டில் உள்ள சி.ஐ.டி.கல்லூரியில் நடந்த விழாவில் அதிக மதிப்பெண் பெற்ற மாணவ-, மாணவிகளுக்கு பரிசு வழங்கினார். இந்நிகழ்ச்சிக்குப் பின் செய்தியாளர்களிடம் அவர் பேசுகையில்,

ஒவ்வொரு ஆண்டும் சென்னையில் தான் முப்பெரும் விழாவை நடத்துவோம். இந்த ஆண்டு வைகோநடைபயணமாக சென்று அண்ணா, பெரியார் பிறந்த நாள் விழாவாக நடத்துகிறார். அதே நாளில் திமுகவும்முப்பெரும் விழா நடத்தினால், ஒரு விழாவினால் இன்னொரு விழா பாதிப்படையும். எனவே குலுக்கல் மூலம்கோவை நகரைத் தேர்ந்தெடுத்து விழா நடத்த முடிவு செய்தோம்.

தமிழகத்தில் சட்டம் ஒழுங்கு கெட்டு விட்டதாக இந்திய கம்யூனிஸ்ட் கட்சி கூறியுள்ள கருத்துக்கு நானும்உடன்படுகிறேன். தமிழக சட்டசபைக்கு முன் கூட்டியே தேர்தல் வரும் என நான் கருதவில்லை.

பாமகவின் ஆதரவு பெற்ற கட்சிகள் மட்டுமே தமிழகத்தில் வெற்றி பெற்றன என பாமக தலைவர் ஜி.கே.மணியும்,மத்திய சுகாதாரத் துறை அமைச்சர் அன்புமணியும் கூறியிருப்பது அவர்களின் சொந்தக் கருத்து. எல்லாரும்கூட்டணி சேர்ந்தால்தான் வெற்றி பெற முடியும்.

சிவனுக்கு நக்கீரன் சரியான தீர்ப்பு வழங்கினார். இப்போது நக்கீரன் கோபால் வழக்கில் உச்ச நீதிமன்றம்வழங்கியிருப்பது நியாயமான தீர்ப்பு என்றார் கருணாநிதி.

இன்று மாலை கோவை வ.உ.சி. மைதானத்தில் நடைபெறும் பொதுக் கூட்டத்தில் கலந்து கொண்டு கருணாநிதிபேசுகிறார்.