மொத்தமாய் அறிவிக்கப்பட்ட தமிழக அரசு விருதுகள்

சென்னை:

கடந்த இரு ஆண்டுகளாக நிறுத்தி வைக்கப்பட்டிருந்த பெரியார், பாரதியார், அம்பேத்கர் விருதுகளை தமிழக அரசுமொத்தமாக இப்போது அறிவித்துள்ளது.

சமூக நலனுக்காகவும் சமுதாய சீர்திருத்ததுக்காகவும் பாடுபடுவோருக்கு பெரியார், அம்பேத்கர் விருதுகளையும்,தமிழ் வளர்ச்சிக்காகப் பாடுபடுவோருக்கு திரு.வி.க, பாரதியார், பாரதிதாசன், கி.ஆ.பெ விருதுகளையும் தமிழகஅரசு வழங்கி வருகிறது.

ஆனால், கடந்த இரு ஆண்டுகளாக இந்த விருதுகள் அறிவிக்கப்படவே இல்லை. 2002ம் ஆண்டுக்கான பெரியார்விருதுக்கு கா.ஜெகவீரபாண்டியனும், அம்பேத்கர் விருதுக்கு எம்.தாமோதரனும் தேர்ந்தெடுக்கப்பட்டிருந்தனர்.அவர்களுக்கும் விருதுகள் வழங்கப்படவில்லை.

இந் நிலையில், 2002, 2003, 2004ம் ஆண்டுக்கான விருது பெறுவோர் பட்டியல் மொத்தமாக இன்றுஅறிவிக்கப்பட்டுள்ளது. இப்போது டெல்லியில் உள்ள முதல்வர் ஜெயலலிதா வெளியிட்டுள்ள அறிக்கையில் இந்தவிருதுப் பட்டியல் அறிவிக்கப்பட்டுள்ளது.

அதன் விவரம்:

2002ம் ஆண்டுக்கான விருதுபெறுவோர்:

திரு.வி.க. விருது- தி.வே. கோபாலய்யர்

பாரதியார் விருது- கே.வி. கிருஷ்ணன்

பாரதிதாசன் விருது- ச.சு.ராமர் இளங்கோ

கி.ஆ.பெ. விருது- மு. தமிழ்க்குடிமகன் (முன்னாள் சபாநாயகர்)

2003ம் ஆண்டுக்கான விருதுபெறுவோர்:

பெரியார் விருது- துரை. கோவிந்தராஜன்

அம்பேத்கர் விருது- வி.சுப்புரத்தினம்

திரு.வி.க. விருது- ம.ரா.போ. குருசாமி

பாரதியார் விருது- ரா.அ.பத்மநாபன்

பாரதிதாசன் விருது-பேரா அ. தட்சிணாமூர்த்தி

கி.ஆ.பெ. விருது- ச.வே. சுப்பிரமணியன்

2004ம் ஆண்டுக்கான விருதுபெறுவோர்:

பெரியார் விருது- நீதிபதி வி. வேணுகோபால்

அம்பேத்கர் விருது- எ.சக்திதாசன்

திரு.வி.க. விருது- ச. அகத்தியலிங்கம்

பாரதியார் விருது- சீனி.விசுவநாதன்

பாரதிதாசன் விருது-பேரா வெ.ப.கரு. ராமநாதன்

கி.ஆ.பெ. விருது- பு.பா.ராஜராஜேஸ்வரி

இந்த விருதுகள் வழங்கும் விழா நாளை சென்னை கலைவாணர் அரங்கில் நடக்கவுள்ளது. பொதுப்பணித்துறைஅமைச்சர் ஓ.பன்னீர்செல்வம் இந்த விருதுகளை வழங்குகிறார்.

நேற்று கோவையில் நடந்த திமுக முப்பெரும் விழாவில் பாரதிதாசன், பெரியார், அண்ணா விருதுகள்வழங்கப்பட்டது குறிப்பிடத்தக்கது.