இராக்கில் அமெரிக்கர் தலையை வெட்டிக் கொலை

கெய்ரோ:

இராக்கில் அபு முசமப் அல் சர்காவி தீவிரவாதக் கும்பலால் கடத்திச் செல்லப்பட்ட அமெரிக்கர் தலையை வெட்டிகொலை செய்யப்பட்டார்.

அவர் கொல்லப்பட்ட காட்சியை தங்களது இணையத் தளத்தில் அந்தத் தீவிரவாத அமைப்பு வெளியிட்டுள்ளது.

அமெரிக்க கட்டுமான நிறுவனத்துக்காக பாக்தாதில் பணியாற்றி வந்த காண்ட்ராக்டர்களான ஜேக் ஆம்ஸ்ட்ராங்,ஜேக் ஹென்ஸ்லி மற்றும் கென்னத் பிக்லி ஆகியோர் கடந்த வியாழக்கிழமை பாக்தாதில் தங்களது வீட்டிலிருந்துஇருந்து துப்பாக்கி முனையில் கடத்திச் செல்லப்பட்டனர்.

இவர்களை விடுவிக்க வேண்டுமானால் அமெரிக்கப் பிடியில் உள்ள இராக்கியப் பெண்களை விடுவிக்க வேண்டும்என இந்த தீவிரவாத அமைப்பு எச்சரித்திருந்தது. இந் நிலையில் ஜேக் ஆம்ஸ்ட்ராங்கை தீவிரவாதிகள் தலையைவெட்டிக் கொலை செய்துள்ளனர்.

5 தீவிரவாதிகள் சேர்ந்து அவரது தலையை அறுத்து, அதை உடலுக்குப் பின் வைக்கும் வீடியோவை இணையத்தளத்தில் அவர்கள் வெளியிட்டுள்ளனர்.

கொல்லப்பட்ட ஆம்ஸ்ட்ராங்கின் உடலும் பாக்தாதின் வெளியே கண்டெடுக்கப்பட்டுள்ளது.

அமெரிக்காவின் கட்டுப்பாட்டில் உள்ள சிறைகளில் அடைக்கப்பட்டுள்ள இராக்கியப் பெண்களை 48 மணிநேரத்தில் விடுவிக்காவிட்டால், மற்ற இருவரையும் தலையை வெட்டிக் கொல்வோம் என தீவிரவாதிகள் கெடுவிதித்துள்ளனர்.