இந்தியா, பாக். ஹாக்கி: இன்று 2வது போட்டி

குவெட்டா :

இந்தியா,பாகிஸ்தான் இடையேயான டெஸ்ட் ஹாக்கி தொடரின் இரண்டாவது போட்டி இன்று பாகிஸ்தானில் உள்ள குவெட்டா நகரில்நடக்கிறது.

கடந்த 24ம் தேதி கராச்சியில் நடந்த முதல் போட்டியில் இந்தியா 1-2 என்ற கோல் கணக்கில் பாகிஸ்தானிடம் தோல்விஅடைந்தது. இந் நிலையில் இன்று 2வது போட்டி நடைபெறுகிறது. போட்டி குறித்து இந்திய அணியின் பயிற்சியாளர் ஜெரார்ட் ராச்கூறுகையில்,

முதல் போட்டியில் பாகிஸ்தான் வெற்றி பெற்றது பெரிய விஷயமல்ல. நமது அணியில் அனுபவமற்ற புதிய வீரர்களே அதிகம்உள்ளனர். இத் தொடரில் இந்தியா இரண்டு போட்டிகளில் வெற்றி பெறும் என நம்புகிறேன் என்றார்.

கேப்டன் தீலிப் டர்க்கி கூறுகையில், முதல் போட்டியில் கிடைத்த வாய்ப்புகளை நாங்கள் வீணடித்து விட்டோம். இத்தகைய தவறுகள்இனி வரும் போட்டிகளில் நடக்காது. இளம் வீரர்களுக்கு அவர்கள் திறமையை நிரூபிக்க ஒரு சில போட்டிகள் தேவைப்படும்.எனவே அடுத்து வரும் போட்டிகளில் வெற்றி பெறுவோம் என்றார்.

இந்திய அணி வீரர்கள்: தீலிப் டர்க்கி, தேவேஷ் சவுகான், வில்லியம் சால்கோ, விரன் ரஸ்குன்ஹா, அட்ரியன் டி சவுஜா, ஹர்பல் சிங்,சந்தீப் சிங், விக்ரம் பிள்ளை, இக்னேஷ் டர்க்கி, ஆடம் சின்கிளையர், வினய், பிரபோத் டர்க்கி, விவேக் குப்தா, அர்ஜூன் ஹாலப்பா,சந்தீப் மைக்கேல், துஷார் கன்திகார் மற்றும் ஹரி பிரசாத்.

பாகிஸ்தான் அணி வீரர்கள்: வாசிம் அகமது (கேப்டன்), சல்மான் அக்பர், முகமது இம்ரான், இம்ரான் வார்சி, கசன்பர் அலி, நசீர்அகமத், சோயில் அப்பாஸ், ஜிசன் அஸ்ரப், அட்னன் மக்சூத், திலாவர் ஹுசைன், முடாஷர் அலி கான், காசிப் ஜவாத். சாகில் அப்பாசி,அப்துல் ஆஷிம் கான், இம்ரான் கான், ரேகன் பட், அட்னன் ஜாகிர், தாரிக் ஆஷிஷ், சபிர் ஹுசேன் மற்றும் அக்தர் அலி.