கல்பனாவிற்கு பெருமை சேர்த்த டெக்ஸஸ் பல்கலை
ஹூஸ்டன்:
அமெரிக்காவில் உள்ள டெக்ஸாஸ் பல்கலைக் கழகம் தனது வளாகத்தில் புதிதாக கட்டப்பட்டிருக்கும் மாணவர்விடுதிக்கு மறைந்த விண்வெளி வீராங்கனை கல்பனா சாவ்லாவின் பெயரைச் சூட்டியுள்ளது.
இந்தியாவில் பிறந்து அமெரிக்க விண்வெளி நிறுவனமான நாஸாவில் பணியாற்றியவர் கல்பனா சாவ்லா. கடந்தஆண்டு பிப்ரவரி மாதம் 1ம் தேதி, 16 நாட்கள் விண்வெளிப் பயணத்தை முடித்து விட்டு பூமி திரும்பியகொலம்பியா விண்கலம் நடுவானில் வெடித்துச் சிதறியது.
அந்த விபத்தில் பலியான 7 விண்வெளி வீரர்களில் கல்பனா சாவ்லாவும் ஒருவர்.
பஞ்சாப் பல்கலைக்கழகத்தில் பொறியியல் படிப்பை முடித்த கல்பனா, விண்வெளி துறையில் முதுகலைப் பட்டத்தைடெக்ஸாஸ் பல்கலைக் கழகத்தில் முடித்தார். இப்போது அவரது நினைவைப் போற்றும் விதமாக, டெக்ஸாஸ்பல்கலைக்கழம் தனது புதிய மாணவர் விடுதிக்கு கல்பனா சாவ்லாவின் பெயரைச் சூட்டியுள்ளது.
400 மாணவர்கள் தங்கும் வகையில் இந்த விடுதி கட்டப்பட்டுள்ளது. இந்த விடுதி தொடக்க விழாவில்கல்பனாவின் தந்தை பனாரசி லால் சாவ்லா, பல்கலைக் கழக வேந்தர் மார்க் யூடோப், பல்கலைக்கழக முதல்வர்ஜேம்ஸ் ஸ்பேனியோலோ உள்ளிட்ட பலர் கலந்து கொண்டனர்.