அப்துல் கலாம் நாளை சென்னை வருகை

சென்னை:

குடியரசுத் தலைவர் அப்துல் கலாம் நாளை சென்னை வருகிறார்.

நாளை மாலை 4.05 மணிக்கு கலாம் சென்னை வருகிறார். விமான நிலையத்திலிருந்து எழும்பூர் ராஜரத்தினம்ஸ்டேடியத்திற்கு செல்கிறார். அங்கு சகோதரத்துவம் உலக அமைதி ஆகியவற்றை வலியுறுத்தும் வகையில் சங்கரம்அமைப்பு ஏற்பாடு செய்துள்ள 8,000 பள்ளி மாணவ, மாணவிகள் பங்கு பெறும் இசை, நடனம் மற்றும் யோகாநிகழ்ச்சியைத் துவக்கி வைத்து உரையாற்றுகிறார்.

பின்னர் பள்ளி மாணவ, மாணவியருடன் கலந்துரையாடுகிறார். இதனையடுத்து சென்னை முகப்பேரில் உள்ளடாக்டர் செரியன் இருதய நோய் மருத்துவமனையில் நடைபெறும் விழாவில் கலந்து கொண்டு சர்வதேச இருதயசிகிச்சை மற்றும் தொழில் நுட்ப பிரிவை தொடங்கி வைக்கிறார்.

பின்னர் மாலை 6.35 மணிக்கு விமானம் மூலம் டெல்லி செல்கிறார். கலாம் வருகையையொட்டி சென்னையில்பலத்த பாதுகாப்பு ஏற்பாடுகள் செய்யப்பட்டுள்ளன.