காந்தி ஜெயந்தி: கலாம் இன்று சென்னை வருகை

சென்னை:

ஜனாதிபதி அப்துல் கலாம் இன்று சென்னை வருகிறார். காந்தி ஜெயந்தியை அவர் மாணவர்களுடன் கொண்டாடுகிறார்.

மாலை 4 மணிக்கு இந்திய விமானப்படை விமானம் மூலம் சென்னை வரும் கலாம் சென்னை பல்கலைக்கழக நூற்றாண்டு விழாமண்டபத்திற்கு செல்கிறார்.

அங்கு சுமார் 8,000 மாணவர்கள் பங்கேற்கும் சங்கராம் என்ற கலை நிகழ்ச்சியைக் காண்கிறார். காந்தி ஜெயந்தியையொட்டி இந்தநிகழ்ச்சி நடத்தப்படுகிறது. இதில் காஞ்சி சங்கராச்சாரியாரும் கலந்து கொள்கிறார்.

மாலை 5.30 மணிக்கு டாக்டர் கே.எம்.செரியன் இருதய மருத்துவமனையில் நவீன வசதிகளைத் தொடங்கி வைக்கிறார். இந்நிகழ்ச்சிகளை முடித்துக் கொண்டு இரவு 7.30 மணிக்கு டெல்லி திரும்புகிறார்.