சினிமா டிக்கெட்: தமிழக அரசுக்கு ராமதாஸ் கேள்வி

சென்னை:

திரைப்படங்களுக்கான கேளிக்கை வரியைக் குறைத்துள்ள தமிழக அரசு, திரையரங்கு டிக்கெட் கட்டணத்தைக்குறைக்காதது ஏன் என்று பாமக நிறுவனர் டாக்டர் ராமதாஸ் கேள்வி எழுப்பியுள்ளார்.

திரைத் துறைக்கு முதல்வர் ஜெயலலிதா அறிவித்த சலுகைகள் குறித்து சமீபத்தில் கருத்து தெரிவித்திருந்த ராமதாஸ்,பராமரிப்புக் கட்டணம் வசூலிக்கப்படுவதற்கு எதிர்ப்பு தெரிவித்திருந்தார். தற்போது திரையரங்கு டிக்கெட்கட்டணத்தை அரசு குறைக்காதது ஏன் என்று வினா எழுப்பியுள்ளார்.

இதுதொடர்பாக அவர் விடுத்துள்ள அறிக்கையில், தமிழக அரசு கேளிக்கை வரியை வெகுவாககுறைத்துள்ளது.ஆனால் திரையரங்கு டிக்கெட் கட்டணம் குறைக்கப்படவில்லை. பழைய கட்டணமே தொடருகிறது.

திரையரங்கு உரிமையாளர்கள் அதிக கட்டணம் வசூலிக்க மாட்டார்கள் என முதல்வர் ஜெயலலிதா கூறியுள்ளார்.இருப்பினும், டிக்கெட் கட்டணத்தை குறைக்க மாட்டோம் என திரையரங்கு உரிமையாளர்கள் கூறி வருகிறார்கள்.இதில் எதை நம்புவது? என்று கேள்வி எழுப்பியுள்ளார் அவர்.