400 விக்கெட்கள் வீழ்த்தி கும்ப்ளே சாதனை

பெங்களூர்:

டெஸ்ட் கிரிக்கெட்டில் 400 விக்கெட்டுகளை வீழ்த்திய இரண்டாவது இந்தியர் என்ற பெருமையைப் பெற்றார்இந்திய சுழல்பந்து வீச்சாளர் அனில் கும்ப்ளே.

பெங்களூரில் நடைபெற்ற ஆஸ்திரேலியாவுக்கு எதிரான முதல் கிரிக்கெட் டெஸ்ட்டின் முதல் நாள் ஆட்டத்தில்கும்ப்ளே இந்த சாதனையைச் செய்தார். சைமன் காடிச் விதகெட்டை வீழ்த்தியது அவருக்கு 400- வது விக்கெட்டாகஅமைந்தது. இது அவரது 85வது டெஸ்ட் போட்டியாகும்.

இதுவரை 24 முறை 5 விக்கெட்டுகளைக் கைப்பற்றியுள்ளார் கும்ப்ளே. கும்ப்ளே 400-வது விக்கெட்டைவீழ்த்தியபோது, கங்குலி உள்பட சக வீரர்கள் அனைவரும் அவருக்கு வாழ்த்து தெரிவித்தனர்.

டெல்லியில் 1999-ல் பாகிஸ்தானுக்கு எதிரான டெஸ்ட் போட்டியில் 74 ரன்களைக் கொடுத்து 10 விக்கெட்டுகளைக்கைப்பற்றி, ஜிம் லாகர்ஸ் செய்த சாதனையை கும்ப்ளே சமன் செய்தது குறிப்பிடத்தக்கது.

அதிக விக்கெட்டுகளைக் கைப்பற்றியுள்ள முதல் 10 வீரர்கள் பட்டியல்

1. முரளீதரன் (இலங்கை): 532 விக்கெட், 91 ஆட்டங்கள்.

2. வார்னே (ஆஸ்திரேலியா): -527 விக்கெட், 112 ஆட்டங்கள்.

3. வால்ஷ் (மேற்கிந்தியத் தீவுகள்): 519 விக்கெட், 132 ஆட்டங்கள்.

4. மெக்ராத் (ஆஸ்திரேலியா): -440 விக்கெட், 97 ஆட்டங்கள்.

5. கபில்தேவ் (இந்தியா): 434 விக்கெட், 131 ஆட்டங்கள்.

6. ஹாட்லி (நியூசிலாந்து): -431 விக்கெட், 86 ஆட்டங்கள்.

7. அக்ரம் -(பாகிஸ்தான்): 414 விக்கெட், 104 ஆட்டங்கள்.

8. அம்புரோஸ் (மேற்கிந்தியத் தீவுகள்): 405 விக்கெட், 98 ஆட்டங்கள்.

9. கும்ப்ளே (இந்தியா): 400 விக்கெட், 85 ஆட்டங்கள்.

10. போத்தம் -(இங்கிலாந்து): 383 விக்கெட், 102 ஆட்டங்கள்.