ஹாக்கி: தொடரை வென்றது பாகிஸ்தான்
அமிர்தசரஸ்:
இன்று நடைபெற்ற 7வது ஹாக்கிப் போட்டியில் 2-1 என்ற கோல் கணக்கில் இந்தியாவைத் தோற்கடித்ததன் மூலம்8 போட்டிகள் கொண்ட தொடரை 4-1 என்ற கணக்கில் பாகிஸ்தான் வென்றது.
இந்தியா, பாகிஸ்தான் அணிகளுக்கு இடையே 8 போட்டிகள் கொண்ட டெஸ்ட் ஹாக்கி தொடர் நடந்து வருகிறது.முதல் கட்டமாக பாகிஸ்தானில் நடந்த 4 போட்டிகள் கொண்ட தொடரில் பாகிஸ்தான் 2-1 என்ற கணக்கில்முன்னிலை பெற்றது.
இரண்டாம் கட்ட தொடரில் டெல்லியில் நடந்த ஐந்தாவது போட்டியில் பாகிஸ்தான் 3-1 என்ற கோல் கணக்கில்வெற்றி பெற்றது. சண்டிகரில் நடைபெற்ற ஆறாவது போட்டி 1-1 என்ற கோல் கணக்கில் டிராவில் முடிந்தது.
தொடரை சமன் செய்ய அடுத்து வரும் இரண்டு போட்டிகளிலும் வென்றாக வேண்டிய கட்டாயத்துடன் இன்றுநடைபெற்ற போட்டியில் இந்தியா களமிறங்கியது. ஆனால் 2-1 என்ற கணக்கில் இந்தப் போட்டியையும்பாகிஸ்தான் அணி வென்றது.
பாகிஸ்தான் அணியின் சார்பில் சோஹைல் அப்பாஸ், ரேஹன் பட் ஆகியோர் தலா ஒரு கோலும், இந்தியஅணியின் சார்பில் அர்ஜூன் களப்பா ஒரு கோலும் அடித்தனர்.
இந்த வெற்றி மூலம் 4-1 என்ற கணக்கில் போட்டித் தொடரையும் பாகிஸ்தான் வென்றது.