வேலை வாய்ப்பு விழா: 2 கி.மீ தூரத்துக்கு வரிசை

சென்னை:

சென்னையில் இன்று நடந்த்தப்பட்ட Job fair என்ற வேலை வாய்ப்புக்கான நிகழ்ச்சியில் ஆயிரக்கணக்கானஇளைஞர்கள், இளைஞிகள் திரண்டனர். இதனால் போக்குவரத்து முழுமையாக பாதிக்கப்பட்டது.

சென்னை சாந்தோம் பகுதியில் உள்ள ஒரு திருமண மண்டபத்தில் சாப்ட்வேர், பிபிஓ மற்றும் கால்சென்டர்நிறுவனங்கள் இணைந்து இந்த வேலை வாய்ப்பு விழாவுக்கு ஏற்பாடு செய்திருந்தன.

இந் நிகழ்ச்சியில் தகவல் தொழில்நுட்பம், சாப்ட்வேர் தொழில்நுட்பம், பொறியியல் தொழில்நுட்பம் படித்துமுடித்தவர்கள், கல்லூரி இறுதியாண்டில் இருப்பவர்களுக்கு வேலை வாய்ப்புகள் வழங்கப்பட்டன.

இதனால் பயோடேட்டா, சான்றிதழ்கள் சகிதம் ஆயிரக்கணக்கான இளைஞர்கள், இளைஞிகள் அங்கு கூடிவிட்டனர். இதனால் சாந்தோம் பகுதியில் போக்குவரத்து பாதிக்கப்பட்டது.

போலீஸாருக்கு தகவல் பறந்ததையடுத்து அவர்கள் விரைந்து வந்து வேலை தேடி வந்த ஆண்கள், பெண்களைவரிசையாக நிற்க வைத்தனர். இந்த கியூ வரிசை கிட்டத்தட்ட 2 கிலோ மீட்டர் நீளத்திற்கு நீண்டுவிட்டது.

இந் நிகழ்ச்சியில் திறமைசாலிகள் பலருக்கும் ஆன் த ஸ்பாட் அப்பாயின்மெண்டுகள் வழங்கப்பட்டன.