533 விக்கெட்கள்: வார்னே சாதனை

சென்னை:

இந்திய வீரர் இர்பான் பதான் விக்கெட்டை வீழ்த்தியதன் மூலம் ஆஸ்திரேலிய வீரர் வார்னே, டெஸ்ட்போட்டிகளில் அதிக விக்கெட்கள் வீழ்த்திய வீரர் என்ற சாதனையைப் படைத்தார்.

இந்திய, ஆஸ்திரேலிய அணிகளுக்கு இடையேயான டெஸ்ட் போட்டியின் முதல் நாள் ஆட்டத்தில் அனில் கும்ளே4வது விக்கெட்டை வீழ்த்திய போது, அதிக விக்கெட் வீழ்த்தியவர்கள் பட்டியலில் 9வது இடத்திலிருந்து 8வதுஇடத்திற்கு முன்னேறினார். இவர் மேற்கு இந்தியத் தீவுகள் அணியின் வேகப்பந்து வீச்சாளர் அம்புரோசைபின்னுக்குத் தள்ளினார்.

அதேபோல் ஆஸ்திரேலிய அணியில் வார்னே, யுவராஜ் விக்கெட்டை கைப்பற்றியபோது அதிக விக்கெட்வீழ்த்தியவர்கள் பட்டியலில் முதல் இடத்தில் உள்ள இலங்கையின் முத்தையா முரளிதரன் சாதனையை சமன்செய்தார்.

இந் நிலையில் இன்று நடந்த இரண்டாம் நாள் ஆட்டத்தில் இர்பான் பதான் விக்கெட்டை வீழ்த்தி, அதிகவிக்கெட்கள் வீழ்த்திய வீரர் என்ற சாதனையைப் படைத்தார். 114 டெஸ்டில் விளையாடியுள்ள வார்னே 533விக்கெட்டுகள் பெற்றுள்ளார்.

அதிக விக்கெட் வீழ்த்தியவர்கள் பட்டியல்:

வார்னே (ஆஸ்திரேலியா): 114 போட்டிகள், 533 விக்கெட்கள்

முரளிதரன் (இலங்கை): 91- 532

வால்ஷ் (மேற்கு இந்திய தீவுகள்): 132 - 519

மெக்ராத் (ஆஸி): 99- 446

கபில்தேவ் (இந்தியா): 131- 434

ரிச்சர்டு ஹாட்லி (நியூசி): 86- 431

வாசிம் அக்ரம் (பாக்): 104- 414

கும்ளே (இந்தியா): 86- 409

அம்புரோஸ் (மே.இ.): 98 - 405

போத்தம் (இங்கி): 102- 383