தேர்தல்: அமெரிக்காவில் கார்த்திக் சிதம்பரம்

சென்னை:

அமெரிக்காவில் நடைபெறவிருக்கும் அதிபர் தேர்தலை பார்வையிட காங்கிரஸ் ஜனநாயகப் பேரவையின் மாநிலசெயற்குழு உறுப்பினர் கார்த்தி சிதம்பரம் அமெரிக்காவிற்கு செல்கிறார்.

அமெரிக்காவில் அடுத்த மாதம் 2ம் தேதி தேர்தல் நடைபெறுகிறது. இத் தேர்தலின் நடைமுறைகள், சட்டதிட்டங்களை அறிவதற்காக உலக நாடுகளின் பல்வேறு இளம் அரசியல் தலைவர்களுக்கு அமெரிக்க இளம்அரசியல் தலைவர்கள் கவுன்சில் எனும் அமைப்பு அழைப்பு விடுத்துள்ளது.

அதன்படி இந்தியாவில் இருந்து பயணம் செய்யும் 3 இளம் தலைவர்களில் கார்த்தி சிதம்பரமும் ஒருவர் ஆவார்.இம்மாதம் 24ம் தேதி அமெரிக்கா செல்லும் கார்த்தி சிதம்பரம், அங்கு ஓட்டுப்பதிவு முறை, தேர்தல் பிரசாரங்கள்,அவற்றில் பத்திரிக்கை, தொலைக்காட்சிகளின் பங்கு குறித்து அறியவிருக்கிறார்.