பிகார் ஆளுநர் ரமா ஜோய்ஸ் ராஜினாமா

பாட்னா:

மத்தியப் பிரதேச ஆளுநர் மதன்லால் குரானாவைத் தொடர்ந்து பிகார் ஆளுநர் ரமா ஜோஸ்சும் தனது பதவியைஇன்று ராஜினாமா செய்தார்.

பா.ஜ.கவைச் சேர்ந்த இவர்கள் தேசிய ஜனநாயகக் கூட்டணி ஆட்சியில் ஆளுநர்களாக நியமிக்கப்பட்டனர். கடந்தஆட்சியில் நியமிக்கப்பட்டவர்களை இப்போது படிப்படியாக காங்கிரஸ் கூட்டணி வெளியேற்றி வருகிறது.

மத்திய அரசு கொடுத்த நெருக்குதல் காரணமாக ரமா ஜோய்ஸ் இன்று தனது ராஜினாமா கடிதத்தை ஜனாதிபதிஅப்துல் கலாமுக்கு அனுப்பி வைத்தார்.

தமிழக ஆளுநர் ராம்மோகன் ராவும் எந்த நேரமும் நீக்கப்படலாம் என்பது குறிப்பிடத்தக்கது.