மிஸ் இந்தியா - ஆஸ்திரேலியா: தமிழ் பெண் தேர்வு

சிட்னி:

ஆஸ்திரேலியாவில் நடந்த மிஸ் இந்தியா- ஆஸ்திரேலியா போட்டியில் தமிழ்க் குடும்பத்தைச் சேர்ந்த விமலாராமன் வெற்றி பெற்றுள்ளார்.

இதன்மூலம் அடுத்த ஆண்டு மும்பையில் நடக்கும் மிஸ் இந்தியா வோல்ர்ட் வைட் போட்டியில் பங்கு பெற விமலாதகுதி பெற்றுள்ளார்.

சிடினியில் வசிக்கும் 23 வயதான விமலா, நியூ செளத் வேல்ஸ் பல்கலைக்கழகத்தில் நடந்த நிகழ்ச்சியில் மிஸ்இந்தியா-ஆஸ்திரேலியாவாக தேர்வு செய்யப்பட்டார். மெல்போர்னைச் சேர்ந்த டினா ஜார்ஜ் இரண்டாவது இடம்பெற்றார்.

இப் போட்டியில் மொத்தம் 20 பேர் பங்கேற்றது குறிப்பிடத்தக்கது.

மிஸ் இந்தியா-ஆஸ்திரேலியா கிளாமர் குயீனாக ஷரோன் ஜீத் கோஹல் தேர்வு செய்யப்பட்டார். இன்டர்நெட்மூலம் நடத்தப்பட்ட வாக்குப் பதிவில் இவர் வென்றார். இவர் அடிலைடில் வசிக்கிறார்.

அழகிப் பட்டம் வென்றுள்ள விமலா ராமன், ஒரு சாப்ட்வேர் நிபுணராவார். பரதநாட்டியத்திலும் தேர்ச்சி பெற்றவர்.வருடந்தோறும் நடக்கும் மகாபலிபுரம் பரதநாட்டிய விழாவில் தவறாமல் பங்கேற்று வருகிறார்.

நியூசிலாந்த், பிஜி, மற்றும் இந்தியாவைச் சேர்ந்த பல நிறுவனங்களுக்கு மாடலிங் செயய்யவும் ஒப்பந்தம்செய்யப்பட்டுள்ளார்.