வாஜ்பாயை ஜனாதிபதியாக்க முயன்ற பா.ஜ.க.

டெல்லி:

தேசிய ஜனநாயகக் கூட்டணி ஆட்சி நடந்தபோது வாஜ்பாயை ஜனாதிபதியாக்கிவிட்டு அத்வானியை பிரதமராக்க முயற்சி நடந்துள்ளது.இந்த விவரம் இப்போது வெளியாகியுள்ளது.

தனியார் தொலைக்காட்சியொன்றில் ஆப் கி அதாலத் என்ற நேருக்கு நேர் நிகழ்ச்சியில் பேட்டியளித்துள்ள முன்னாள் பா.ஜ.க. தலைவர்வெங்கையா நாயுடு இதனைத் தெரிவித்துள்ளார்.

ஜனாதிபதி பதவி காலியானபோது வாஜ்பாயை அப் பதவியேற்கச் செய்ய நாங்கள் திட்டமிட்டோம். இதை அவரிடம் நானே தெரிவித்தேன்.ஆனால், அதை வாஜ்பாய் ஏற்கவில்லை என்று கூறியுள்ளார் நாயுடு.

வாஜ்பாயை ஜனாதிபதியாக்கிவிட்டு அத்வானியை பிரதமராக்க முயற்சித்தீர்களா என்ற கேள்விக்கு நாயுடு நேரடியாக பதிலளிக்காமல்மழுப்பிவிட்டதாக அந்தத் தொலைக்காட்சி வெளியிட்டுள்ள செய்திக் குறிப்பில் கூறப்பட்டுள்ளது.

இந்தப் பேட்டி நாளை ஒளிபரப்பாகிறது.