யு.எஸ். அதிகரிக்கும் இந்திய மாணவர்கள் எண்ணிக்கை

ஹூஸ்டன்:

இந்த ஆண்டு அமெரிக்கப் பல்கலைக்கழகங்களில் உயர் கல்வி கற்கச் சேர்ந்துள்ள வெளிநாட்டு மாணவர்களில் 14 சதவீதத்தினர்இந்திய மாணவர்கள் என்று தெரியவந்துள்ளது.

இந்த எண்ணிக்கையில் இரண்டாவது இடத்தைத் தான் சீனா பெற்றுள்ளது.

அமெரிக்காவில் கல்வி கற்க வரும் மாணவர்களின் எண்ணிக்கை இந்த ஆண்டு 2.4 சதவீதம் குறைந்துள்ள நிலையில், இந்தியமாணவர்களின் எண்ணிக்கை 4 ஆண்டாக இந்த ஆண்டும் தொடர்ந்து அதிகரித்துள்ளது.

2003-04ம் ஆண்டில் இந்தியாவில் இருந்து 79,736 மாணவர்கள் அமெரிக்கப் பல்கலைக்கழகங்களில் உயர் கல்விக்காகசேர்ந்துள்ளனர். இது கடந்த ஆண்டை விட 7 சதவீதம் அதிகமாகும்.

இந்த ஆண்டு அமெரிக்காவுக்கு கல்வி பயில வந்த சீன மாணவர்களின் எண்ணிக்கை 61,765 ஆகும். இது கடந்த ஆண்டைவிட 5சதவீதம் குறைவாகும்.

இப்போது அமெரிக்காவில் பயிலும் 5,72,509 வெளிநாட்டு மாணவர்களில் இந்திய மாணவர்களின் எண்ணிக்கை 14 சதவீதம்என்று அமெரிக்க கல்வித்துறையின் சர்வதேச கல்வி மையத்தின் ஆய்வு தெரிவித்துள்ளது.