தனுஷ் திருமண வரவேற்பு இடம் முடிவு

சென்னை:

தனுஷ், ரஜினிகாந்த்தின் மகள் ஐஸ்வர்யா ஆகியோரின் திருமண வரவேற்பு நடக்கும் இடம் முடிவாகி விட்டது.

நடிகர் தனுஷுக்கும், சூப்பர் ஸ்டார் ரஜினிகாந்த்தின் மகள் ஐஸ்வர்யாவுக்கும் இடையே வருகிற 18ம் தேதி திருப்பதியில்திருமணம் நடைபெறவுள்ளது. திருமணத்தில் ரஜினி, கஸ்தூரி ராஜா குடும்பத்தினர் மட்டும் கலந்து கொள்கின்றனர். இவர்கள்தவிர ரஜினியின் குரு கே.பாலச்சந்தர் தனது குடும்பத்தினருடன் கலந்து கொள்கிறார்.

திருமண வரவேற்பு நிகழ்ச்சிக்கு அனைவரையும் அழைக்கவுள்ளனர். வரவேற்பு நிகழ்ச்சிக்காக சத்யபாமா கல்லூரி வளாகம்உள்ளிட்ட பல இடங்கள் பரிசீலிக்கப்பட்டன. இறுதியில், ராஜா அண்ணாமலைபுரத்தில் உள்ள ராமநாதன் செட்டியார் மையத்தில்நடத்த முடிவாகியுள்ளது.