சோனியா இல்லத்தை ரகசிய படமெடுத்த கும்பல்!

டெல்லி:

காங்கிரஸ் தலைவர் சோனியா காந்தியின் இல்லத்தை ரகசியமாக வீடியோ எடுத்த கும்பலுக்கு போலீசார் வலை வீசியுள்ளனர்.

டெல்லியின் மிகப் பாதுகாப்பான இல்லங்களின் ஒன்றான சோனியாவின் 10, ஜன்பத் தெரு வீட்டை இன்று ஒரு மாருதி காரில்வந்த கும்பல் சுற்றி வந்து ரகசியமாக வீடியோ எடுத்தது.

இதை ரகசிய கேமராக்கள் வழியாகப் பார்த்த கமாண்டோ படையினர், உடனடியாக அந்தக் காரை மடக்குமாறு, வெளியில்பாதுகாப்புப் பணியில் ஈடுபட்டிருந்த படையினருக்குத் தகவல் தந்தனர்.

ஆனால், அவர்கள் நடவடிக்கை எடுப்பதற்குள் அந்தக் கார் அங்கிருந்து நழுவிவிட்டது. அந்தக் காரில் வந்தவர்களைப் பிடிக்கடெல்லி போலீசாரும் உளவுப் பிரிவினரும் தீவிர முயற்சியில் இறங்கியுள்ளனர்.