டிச. 3ல் திரைப்பட விருது விழா!
சென்னை:
தமிழக அரசின் திரைப்பட விருது வழங்கும் விழா வரும் டிசம்பர் 3ம் தேதி சென்னையில் நடைபெறுகிறது.
கடந்த 2000, 2001 மற்றும் 2002ம் ஆண்டுகளுக்கான தமிழக அரசின் திரைப்பட விருதுகள் ஒட்டுமொத்தமாகஅறிவிக்கப்பட்டன.
இந்த விருது வழங்கும் விழா செப்டம்பர் 30ம் தேதி நடைபெறும் என்று அறிவிக்கப்பட்டது. பின்னர்வழக்கம்போல் ஒத்தி வைக்கப்பட்டது.
இந் நிலையில் விருது வழங்கும் விழாவுக்கான புதிய தேதி அறிவிக்கப்பட்டுள்ளது. டிசம்பர் 3ம் தேதி மாலை 6மணிக்கு சென்னை பல்கலைக்கழக நூற்றாண்டு மண்டபத்தில் விழா நடைபெறும் என தற்போதுஅறிவிக்கப்பட்டுள்ளது.
150க்கும் மேற்பட்ட நடிகர்கள், நடிகையர், இயக்குநர்கள், கேமராமேன்கள், தயாரிப்பாளர்கள், பழம்பெரும்கலைஞர்கள் உள்ளிட்டவர்கள் விருதுகள் பெறவுள்ளனர்.
இம்முறையாவது சொன்ன தேதியில் விழா நடக்குமா, என்பதை விழா நடந்து முடிந்த பின்னரே உறுதியாக சொல்லமுடியும்.