எம்.எஸ்.சுப்புலட்சுமி தேறுகிறார்

சென்னை:

வைரஸ் காய்ச்சல் காரணமாக மருத்துவமனையில் அனுமதிக்கப்பட்டுள்ள பிரபல கர்நாடக இசைக் கலைஞரான பாரத ரத்னாஎம்.எஸ்.சுப்புலட்சுமி உடல் நலம் தேறி வருவதாக மருத்துவமனை வட்டாரங்கள் தெரிவித்துள்ளன.

88 வயதாகும் எம்.எஸ். பேச முடியாத நிலையில் கடும் காய்ச்சலால் அவதிப்பட்டார். உடனடியாக அவர் மருத்துவமனையில்அனுமதிக்கப்பட்டார்.

அவருக்கு தீவிர சிகிச்சை அளிக்கப்பட்டது. அதன் பயனாக தற்போது அவர் ஓரளவு பேசுகிறார். அவருக்கு குழாய்கள் மூலம் திரவஉணவு அளிக்கப்பட்டு வருகிறது. அவரது நிலை முன்பை விட நன்றாகவே தேறியுள்ளது.

வயோதிகம் காரணமாக மருந்துகள் மெதுவாகவே வேலை செய்கின்றன. இருப்பினும் ஆபத்தான நிலையில் அவர் இல்லை என்றுமருத்துவமனை டாக்டர் ஒருவர் தெரிவித்துள்ளார்.