கபில் சாதனையை முறியடித்தார் கும்ப்ளே

டாக்கா:

டெஸ்ட் போட்டிகளில் அதிக விக்கெட் எடுத்த இந்திய வீரர் என்ற சாதனையை கும்ப்ளே இன்று படைத்தார்.

டெஸ்ட் கிரிக்கெட் போட்டிகளில் கபில்தேவ் எடுத்திருந்த 434 விக்கெட்களே இந்தியாவில் அதிகபட்சமாக இருந்தது.

இன்று வங்கதேசத்திற்கு எதிரான போட்டியில் முகம்மது ரபிக் விக்கெட்டை கும்ப்ளே வீழ்த்தியபோது, கபிலின் சாதனையை முறியடித்தார்.எல்.பி.டபுள்யு. முறையில் இந்த விக்கெட்டை கும்ப்ளே கைப்பற்றினார்.

முதல் நாள் ஆட்டத்தில் வங்கதேசம் 184 ரன்களுக்கு அனைத்து விக்கெட்களையும் இழந்தது. இந்தியாவின் சார்பில் பதான் 5விக்கெட்களையும், ஜாகீர்கான் 2 விக்கெட்களையும் கும்ப்ளே 2 விக்கெட்களையும் வீழ்த்தினார்கள்.

மைதானத்தில் வெளிச்சம் குறைவாக இருந்ததால் இந்தியா அடுத்து பேட் பிடிக்கவில்லை. வங்கதேசத்தின் முதல் இன்னிங்ஸை முடித்ததும்முதல்நாள் ஆட்டம் நிறுத்தப்பட்டது.