கவாஸ்கர் சாதனையை எட்டினார் டெண்டுல்கர்

டாக்கா:

டெஸ்ட் போட்டிகளில் அதிக சதம் அடித்தவர் என்ற சுனில் கவாஸ்கரின் சாதனையை சச்சின் டெண்டுல்கர் இன்று சமன் செய்தார்.

வங்க தேசத்துடனான முதலாவது டெஸ்ட் போட்டி நேற்று தொடங்கியது. தொடக்க நாள் ஆட்டத்தில் டெஸ்ட் போட்டிகளில் அதிகவிக்கெட் (435) எடுத்த இந்திய வீரர் என்ற சாதனையை கும்ப்ளே நிகழ்த்தினார். இதுவரை கபில்தேவ் எடுத்திருந்த 434விக்கெட்களே சாதனையாக இருந்தது.

இந் நிலையில் இந்தியாவின் லிட்டில் மாஸ்டர் என்றழைக்கப்படும் சச்சின் டெண்டுகல்கர் ஒரு சாதனையைப் படைத்தார். உலகஅளவில் டெஸ்ட் போட்டிகளில் சுனில் கவாஸ்கர் எடுத்திருந்த 34 சதங்களே (103 போட்டிகள்) அதிகபட்ச சாதனையாக இருந்தது.

இன்று டெண்டுல்கர் அதை முறியடித்தார். இச் சாதனையை செய்ய டெண்டுல்கருக்கு 118 போட்டிகள் தேவைப்பட்டிருக்கிறது.

சச்சின் இன்று மற்றொரு சாதனையையும் படைத்தார். அனைத்து நாடுகளுக்கு எதிராகவும் டெஸ்ட் போட்டிகளில் சதமடித்த வீரர்என்ற பெருமையை தென் ஆப்ரிக்காவின் கிரிஸ்டன், ஆஸ்திரேலியாவின் ஸ்டீவ் வாஹ் ஆகியோருடன் பகிர்ந்து கொள்கிறார்.