சிறுபான்மையினர் கல்வி வாரியம்: பாஜக எதிர்ப்பு

டெல்லி:

சிறுபான்மையினர் கல்விக்காக தனி வாரியம் அமைக்கும் மத்திய அரசின் முடிவுக்கு பாஜக கடும் எதிர்ப்புத் தெரிவித்துள்ளது.

பா.ஜ.கவின் நாடாளுமன்ற கட்சிக் கூட்டம் இன்று அதன் தலைவர் அத்வானி தலைமையில் நடந்தது. இக் கூட்டத்தில் தேசியசிறுபான்மையினர் கல்வி வாரியம் அமைக்கும் மத்திய அரசின் திட்டத்துக்கு எதிர்ப்பு தெரிவிப்பது என்று முடிவுசெய்யப்பட்டுள்ளது.

இந்த வாரியம் அமைப்பது தொடர்பான சட்ட மசோதா நாடாளுமன்றத்தில் தாக்கல் செய்யப்படும்போது அதை எதிர்த்துவாக்களிப்பது என்றும் முடிவெடுக்கப்பட்டது.

இந்த வாரியம் அரசியல் சட்ட நெறிமுறைகளுக்கு எதிரானது என பா.ஜ.க. கருத்து தெரிவித்துள்ளது.

கமிஷனுக்கு அந்தஸ்து: மத்திய அரசு முடிவு

இதற்கிடையே, சிறுபான்மையினருக்கான தேசியக் கமிஷனுக்கு அரசியல் சட்ட அந்தஸ்து வழங்க மத்திய அரசு முடிவுசெய்துள்ளது.

இதற்குத் தேவையான சட்ட மசோதா மிக விரைவில் நாடாளுமன்றத்தில் கொண்டு வரப்படும் என மத்திய சமூக நீதித்துறைஅமைச்சர் மீரா குமார் கூறியுள்ளார்.