ஜெமினி கணேசன் கவலைக்கிடம்

சென்னை:

பழம்பெரும் நடிகர் ஜெமினி கணேசன் மிகவும் கவலைக்கிடமான நிலையில் மருத்துவமனையில் தீவிர சிகிச்சைப் பிரிவில்சேர்க்கப்பட்டுள்ளார்

84 வயதாகும் பழம் பெரும் நடிகர் ஜெமினி கணேசன் உடல்நலம் பாதிக்கப்பட்டு சென்னை பூந்தமல்லி நெடுஞ்சாலையில் உள்ளஅவரது மகள் டாக்டர் கமலா செல்வராஜுக்கு சொந்தமான மருத்துவமனையில் அனுமதிக்கப்பட்டிருந்தார்.

இந் நிலையில் அவரது உடல் நலம் மோசமடைந்ததால், அப்பல்லோ மருத்துவமனைக்கு அவர் மாற்றப்பட்டார். அங்கு தீவிரசிகிச்சைப் பிரிவில் சேர்க்கப்பட்டுள்ள அவருக்கு சிகிச்சை அளிக்கப்பட்டு வருகிறது.

வயோதிகம் காரணமாக மருந்துகள் சரியாக வேலை செய்யவில்லை என்றும், உடலும் பலவீனமடைந்து வருவதாகவும்டாக்டர்கள் தெரிவித்துள்ளனர்.