ரகுவுக்கு குடல் வால் அறுவை சிகிச்சை

சென்னை:

விஜயேந்திரரின் தம்பி ரகுவுக்கு குடல்வால் (அப்பென்டிசைடிஸ்) அறுவைச் சிகிச்சை நடந்துள்ளது.

விஜயேந்திரரின் தம்பி ரகுவுக்கு 2 நாட்களுக்கு முன்பு வயிற்று வலி ஏற்பட்டது. இதைத் தொடர்ந்து சென்னை பம்மலில் உள்ள சங்கரமடத்திற்குச் சொந்தமான மருத்துவமனைக்கு அவர் கொண்டு செல்லப்பட்டு பரிசோதிக்கப்பட்டார்.

அவரைப் பரிசோதித்த டாக்டர்கள், ரகுவுக்கு குடல்வாலில் அழற்சி ஏற்பட்டுள்ளதால் உடனடியாக அறுவைச் சிகிச்சை செய்ய வேண்டும்என்று கூறியுள்ளனர். இதைத் தொடர்ந்து அங்கேயே அவருக்கு அறுவைச் சிகிச்சை செய்யப்பட்டுள்ளது.

தற்போது மருத்துவமனையிலிருந்து திரும்பியுள்ள ரகு, சென்னை வளசரவாக்கத்தில் உள்ள தனது வீட்டில் ஓய்வு எடுத்து வருகிறார். நேற்றுஅவரை விசாரணைக்கு வருமாறு காஞ்சிபுரம் போலீஸார் சம்மன் அனுப்பியிருந்தனர்.

இருப்பினும் அறுவைச் சிகிச்சை காரணமாக நேற்று ரகு போகவில்லை. இன்னும் ஓரிரு நாட்களில் அவர் விசாரணைக்கு ஆஜராவார் என்றுஅவரது வழக்கறிஞர் சண்முகம் தெரிவித்தார்.