ஜெமினிக்கு O+
சென்னை:
பழம்பெரும் நடிகரான காதல் மன்னன் ஜெமினி கணேசனுக்கு "ஒ பாசிட்டிவ்" வகை ரத்தம் அதிக அளவில் தேவைப்படுவதாக அவரதுகுடும்பத்தினர் கூறியுள்ளனர்.
பழம் பெரும் நடிகரும், காதல் மன்னன் என்று புகழப்படுபவருமான ஜெமினி கணேசன் உடல் நலம் பாதிக்கப்பட்டு சென்னை அப்பல்லோமருத்துவமனையில் அனுமதிக்கப்பட்டுள்ளார்.
அவருக்கு தற்போது ரத்த சுத்திகரிப்பு மேற்கொள்ளப்பட்டு வருகிறது. தொடர்ந்து அவர் தீவிர சிகிச்சைப் பிரிவில் வைக்கப்பட்டுள்ளார்.அவரது உடல் நிலையில் லேசான முன்னேற்றமே காணப்படுகிறது.
இந் நிலையில் ஜெமினி கணேசனுக்கு நிறைய ரத்தம் தேவைப்படுவதாகவும், இதனால் ஜெமினி மீது அன்பு கொண்டுள்ளவர்கள், அவருக்குத்தேவையான "ஒ பாசிட்டிவ்" வகை ரத்தத்தை தானமாக தர முன்வர வேண்டும் என்று ஜெமினியின் குடும்பத்தினர் கோரிக்கைவிடுத்துள்ளனர்.
ஜெமினிக்கு ரத்தம் தர விரும்புவோர் சென்னை கிரீம்ஸ் சாலையில் உள்ள அப்பல்லோ மருத்துவமனையை அணுகலாம் என்றுகூறப்பட்டுள்ளது.