டிவிஎஸ் பேரன் மரணம்

மதுரை:

புகழ் பெற்ற தொழிலதிபர் டி.வி.சுந்தரம் அய்யங்காரின் பேரனும், டிவிஎஸ் குழும தலைவருமாகியஆர்.ராமச்சந்திரன் மதுரையில் காலமானார்.

புகழ் பெற்ற மோட்டார் வாகன நிறுவனமான டி.வி.எஸ் நிறுவனத்தை நிறுவிய சுந்தரம் அய்யங்காரின் பேரனும்,டிவிஎஸ் குழும தலைவருமாகிய ஆர்.ராமச்சந்திரன் மதுரை சொக்கிகுளத்தில் உள்ள தனது வீட்டில் நேற்றுகாலமாமனார். அவருக்கு வயது 74.

மதுரை அமெரிக்கன் கல்லூரியில் படித்தவரான ராமச்சந்திரன், பின்னர் அமெரிக்காவின் மிச்சிகன் நகரில் உள்ளஜெனரல் மோட்டார்ஸ் நிறுவனத்தில் மோட்டார் வாகன டீலர்களுக்கான பயிற்சியை மேற்கொண்டவர்.

டிவிஎஸ் நிறுவன நிர்வாக இயக்குநராகவும், டிவிஎஸ் குழும நிறுவனங்கள் பலவற்றின் இயக்குநராகவும்இருந்துள்ளார். டிவிஎஸ் அறக்கட்டளைகளின் தலைவராகவும் இருந்துள்ளார்.