சுனாமி: தொடரும் ராணுவம் சேவை

சென்னை:

தமிழகத்தில் சுனாமி தாக்கிய பகுதிகளில் ராணுவத்தினரின் தேவை முடியும் வரை அவர்கள் நிவாரணப் பணிகளில் ஈடுபடுவார்கள் என்றுதென்னிந்திய மேஜர் ஜெனரல் பரம்ஜித் சிங் தெரிவித்தார்.

இது தொடர்பாக நிருபர்களிடம் அவர் கூறியதாவது:

மாவட்ட நிர்வாகங்கள் மற்றும் அரசு சாரா தொண்டு நிறுவனங்களுடன் இணைந்து ராணுவத்தினர் பணியாற்றுகின்றனர்.

தற்போது தென்னிந்தியாவில் இருக்கும் ராணுவத் துருப்புகளின் எண்ணிக்கை, நிவாரணப் பணிகளில் ஈடுபட போதுமானது. சுனாமிஅலைகள் தாக்கியதும் மாநில அரசு ராணுவத்தின் உதவியை நாடியது. அன்று பகல் 1 மணிக்கு கல்பாக்கத்தில் ராணுவத்தின் ஒரு குழுவினர்மீட்பு பணிகளுக்குச் சென்றுவிட்டனர்.

நாகப்பட்டினம், கடலூர் மாவட்டத்தில் மீனவர்களின் 50 படகு மோட்டார்களை ராணுவத்தினர் பழுது பார்த்துள்ளனர் என்று கூறினார்.