நா.காமராசனுக்கு எம்.ஜி.ஆர். விருது

சென்னை:

எம்.ஜி.ஆர். கழகத்தின் சார்பில் முன்னாள் அமைச்சர் ஆர்.எம்.வீரப்பன் எம்.ஜி.ஆர். விருதுகளை அறிவித்துள்ளார்.

முன்னாள் முதல்வர் எம்.ஜி.ஆரின் 89-வது பிறந்த நாள் விழா வரும் 17ம் தேதி கொண்டாடப்படுகிறது.இதையொட்டி எம்.ஜி.ஆர். கழகத்தின் இலக்கிய அணி சார்பில் எம்.ஜி.ஆர். விருதுகள் அறிவிக்கப்பட்டுள்ளன.

கவிஞர்கள் முத்துலிங்கம், நா. காமராசன் ஆகியோருக்கு இந்த விருதுகள் வழங்கப்படுகின்றன. தலா ரூ. 25,000ரொக்கம், பதக்கம், பாராட்டிதழ் ஆகியவை அடங்கியது இந்த விருது.

17ம் தேதி நடைபெறும் விழாவின்போது எம்.ஜி.ஆர். குறித்த பட்டிமன்றம் நடைபெறவுள்ளது. கவிஞர் வாலி,நடிகர் சத்யராஜ் ஆகியோர் இதில் பேசவுள்ளனர்.