ஹூண்டாய் கார் நிறுவனத்தில் தீ விபத்து

காஞ்சிபுரம்:

ஸ்ரீபெரும்புதூர் அருகே இருங்காட்டுக் கோட்டையில் உள்ள ஹூண்டாய் கார் நிறுவனத்தில் இன்று காலை தீ விபத்து ஏற்பட்டது. இதில்உயிர்ச் சேதம் ஏதும் ஏற்படவில்லை.

நிறுவனத்தில் பெயிண்டிங் பிரிவில் இன்று காலை திடீரென்று தீ விபத்து ஏற்பட்டது. அங்கே இருந்த பெயிண்டிங் டப்பாக்களில் தீமளமளவென பரவியது. இதனால் அங்கே வேலை பார்த்துக் கொண்டிருந்த ஊழியர்கள் பதறியடித்துக் கொண்டு வெளியேறினர்.

உடனடியாக தீயணைப்பு நிலையத்துக்கு தகவல் தெரிவிக்கப்பட்டது. நிறுவனத்தில் உள்ள தீயணைப்பு வண்டிகள் உட்பட 4 இடங்களில்இருந்து தீயணைப்பு வண்டிகள் விரைந்து வந்தன. 2 மணி நேர போராட்டத்திற்குப் பின் தீ அணைக்கப்பட்டது.

தீ விபத்திற்கான காரணம் குறித்தும், தீ விபத்தினால் ஏற்பட்ட சேதம் குறித்தும் உடனடியாகத் தெரியவரவில்லை. இது குறித்து விசாரணைநடைபெற்று வருகிறது.