அமெரிக்க விசா கட்டணம் குறைப்பு

டெல்லி:

விசா, பாஸ்போர்ட் மற்றும் இதர தூதரக சேவைகளுக்கான கட்டணத்தை அமெரிக்க தூதரகம் குறைத்துள்ளது.

14ம் தேதி முதல் டாலருக்கான இந்திய மதிப்பை ரூ.46லிருந்து ரூ.44 ஆக அமெரிக்க தூதரகம் குறைக்கிறது. இதன் மூலம் தூதரக சேவைக்கட்டணங்கள் அனைத்தும் குறைகின்றன.

இந்தப் புதிய கட்டண விகிதப்படி, குடியுரிமை அல்லாத விசா விண்ணப்பங்களுக்கு ரூ.4,400 ரூபாயும், அதை வழங்குவதற்கு ரூ.2,200ரூபாயும் வசூலிக்கப்படும்.

விசா நடைமுறைகளை விரைவுபடுத்த ஆன்லைனில் விண்ணப்பிக்குமாறு விண்ணப்பதாரர்களை அமெரிக்க தூதரகம் ஊக்கப்படுத்திவருகிறது.