பிரேம்குமாருக்கு குருமூர்த்தி மீண்டும் நோட்டீஸ்!

சென்னை:

காஞ்சிபுரம் காட்டுப் பங்களாவில் நடந்த விசாரணையின்போது எடுக்கப்பட்ட வீடியோ பதிவு நகலை வழங்கக் கோரி ஆடிட்டர்எஸ்.குருமூர்த்தியின் வழக்கறிஞர், எஸ்.பி. பிரேம்குமாருக்கு மீண்டும் நோட்டீஸ் அனுப்பியுள்ளார்.

சங்கரராமன் கொலை வழக்கு தொடர்பாக நடத்தப்பட்டு வரும் விசாரணை தொடர்பான வாக்குமூலங்கள், வீடியோ காட்சிள் நக்கீரன் வாரஇதழில் தொடர் கதை போல இடம் பெற்று வருகின்றன. காஞ்சிபுரம் எஸ்.பி. பிரேம்குமார்தான் நக்கீரன் இதழுக்கு இவற்றை வழங்கிவருவதாக ஜெயேந்திரரின் ஆதரவாளர்கள் குற்றம் சாட்டி வருகின்றனர்.

இந் நிலையில் காட்டுப் பங்களாவுக்கு அழைத்து சங்கர மட தொடர்புகள் குறித்து குருமூர்த்தியிடம் போலீஸார் விசாரணை நடத்தினர். அந்தவிசாரணையின்போது எடுக்கப்பட்ட வீடியோ பதிவின் நகலை வழங்கக் கோரி பிரேம்குமாருக்கு வக்கீல் நோட்டீஸ் அனுப்பினார்குருமூர்த்தி. இதன் எதிரொலியாகத்தான் அவர் மீது தற்போது வழக்கு பதிவு செய்யப்பட்டுள்ளது.

இந் நிலையில் மீண்டும் ஒரு வக்கீல் நோட்டீஸ் அனுப்பியுள்ளார் குருமூர்த்தி. இந்த நோட்டீஸில் குருமூர்த்தியின் வழக்கறிஞர் சங்கரநாராயணன் கூறியுள்ளதாவது:

சங்கரராமன் கொலை வழக்கு தொடர்பாக நடத்தப்பட்டு வரும் விசாரணை விவரங்களையும், எனது கட்சிக்காரர் (குருமூர்த்தி) குறித்ததகவல்களை தாங்கள் குறிப்பிட்ட ஒரு பத்திகைக்கு (நக்கீரன்) லீக் செய்துள்ளதால், எனது கட்சிக்காரருக்கு மட்டுமல்லாது ஜெயேந்திரரின்புகழும் சேர்ந்து கெடுகிறது.

பிப்ரவரி 9ம் தேதி குருமூர்த்தியை விசாரித்தபோது வீடியோ படம் எடுக்க அவர் தடை விதிக்கவில்லை. முன் கூட்டியே அதை அவருக்குதெரிவிக்காத போதிலும் கூட அதை ஆட்சேபிக்காமல் ஒத்துழைப்பு அளித்தார்.

ஆனால் அன்று நடந்த விசாரணை விவரங்கள் ஒன்று விடாமல் நக்கீரன் இதழில் வந்துள்ளது. வீடியோ காட்சிகளும் நக்கீரன் இதழில்வெளியாகியுள்ளது. தனிப்படை போலீஸார் கொடுக்காமால் இவற்றை நக்கீரனால் வெளியிட்டிருக்க முடியாது.

இதன் மூலம் குற்றவியல் நடைமுறைச் சட்டம் 162வது பிரிவை தாங்கள் மீறியுள்ளீர்கள். எனவே உங்கள் மீது கிரிமினல் சட்டப்படிநடவடிக்கை எடுக்க எனது கட்சிக்காரர் முடிவு செய்துள்ளார்.

இந்தியன் எக்ஸ்பிரஸ் பத்திரிக்கையில் வழக்கு குறித்து எழுதியதற்காக குருமுர்த்தி நடவடிக்கை எடுக்கப்படுகிறது என்றால் நக்கீரன் மீதுமட்டும் ஏன் நடவடிக்கை எடுக்கப்படவில்லை?

எனவே நக்கீரனுக்கு வழங்குவது போலவே எனது கட்சிக்காரருக்கும் வீடியோ பதிவின் நகலை வழங்க வேண்டும். அதற்கான செலவைஎனது கட்சிக்காரர் ஏற்றுக் கொள்வார். இல்லாவிட்டால் தங்கள் மீது உரிய நடவடிக்கை எடுக்கப்படும் என்று நோட்டீஸில் கூறப்பட்டுள்ளது.