கருணாநிதிக்கு தமிழ் சிற்பி பட்டம்

சென்னை:

புதிய பாரதம் கட்சியின் சார்பில் திமுக தலைவர் கருணாநிதிக்கு தமிழ் சிற்பி என்ற பட்டம் வழங்கப்பட்டுள்ளது.

தலித் கட்சியான புதிய பாரதம் தமிழை செம்மொழியாக்க உதவியதற்காக இந்தப் பட்டத்தை கருணாநிதிக்குவழங்கியுள்ளது.

பட்டம் வழங்கும் நிகழ்ச்சி அண்ணா அறிவாலயத்தில் நடந்தது. அதில் புதிய பாரதம் கட்சியின் தலைவர் பூவைமூர்த்தி, கருணாநிதிக்கு பொன்னாடை போர்த்தி பட்டத்தை வழங்கினார்.

திமுக பொதுச் செயலாளர் அன்பழகன், துணைப் பொதுச் செயலாளர் ஸ்டாலின், பொருளாளர் ஆற்காடு வீராசாமி, புதிய பாரதம் கட்சிப்பிரமுகர்கள் இதில் கலந்து கொண்டனர்.