மக்கள் தொகை: முன்னணியில் மும்பை, டெல்லி

நியூயார்க்:

உலகின் மிகப் பெரும் மக்கள் தொகை கொண்ட நாடுகளில் மும்பை, டெல்லி, கொல்கத்தா ஆகியவை இடம் பிடித்துள்ளன.

இது தொடர்பாக ஐ.நா. சபை வெளியிட்டுள்ள சர்வே முடிவு:

மும்பை நகரின் மக்கள் தொகை 1.83 கோடியாக உள்ளது. டெல்லியின் மக்கள் தொகை 1.53 கோடியாகவும், கொல்கத்தாவின் மக்கள்தொலை 1.43 கோடியாகவும் உள்ளது.

உலகிலேயே அதிக மக்கள் தொகை கொண்ட நகரமாக டோக்கியோ திகழ்கிறது. இங்கு 3.53 கோடி பேர் வசிக்கின்றனர். அடுத்த இடத்தில்மெக்சிக்கோ சிட்டியும், மூன்றாவது இடத்தில் நியூயார்க்கும் உள்ளது. நியூயார்க்கின் மக்கள் தொகை 1.85 கோடியாகும்.

அர்ஜெண்டினாவின் புனெஸ் ஏரிஸ், ஜகார்தா, ஷாங்காய் ஆகிய நகரங்கள் 7,8,9வது இடத்தில் உள்ளன.

உலகின் மொத்த மக்கள் தொகையான 650 கோடியில் 320 கோடி பேர் நகரங்களில் தான் வசிக்கின்றனர். 2007ம் ஆண்டில் இது 500கோடியாக உயரக் கூடும் என்று கூறப்பட்டுள்ளது.