ஜெயலலிதாவுக்கு ரோட்டரி விருது

சென்னை:

முதல்வர் ஜெயலலிதாவுக்கு, ரோட்டரி சங்கத்தின் வாழ்நாள் சாதனை விருது மற்றும் பால் ஹாஸ் ஃபெல்லோ அங்கீகாரம் ஆகியவைவழங்கப்படவுள்ளது.

இதுதொடர்பாக, ரோட்டரி இன்டர்நேஷனல் மாவட்டம் 3230-ன் ஆளுனர் பெஞ்சமின் செயன் வெளியிட்டுள்ள அறிக்கையில், இந்தவிருது வரும் 23ம் தேதி சென்னையில் நடைபெறும் விழாவின்போது வழங்கப்படும்.

விருதைப் பெற்றுக் கொள்ள முதல்வர் ஜெயலலிதா ஒப்புதல் அளித்துள்ளார்.

சமூகத்தின் நலிவடைந்த பிரிவினருக்கு ஆற்றிய பணிகளுக்காகவும், பெண்கள் முன்னேற்றம், குழந்தைகள் பாதுகாப்புத் திட்டத்தைவெற்றிகரமாக அமல்படுத்தியது, அனைத்து மகளிர் காவல் நிலையங்களை உருவாக்கியது ஆகியவற்றைப் பாராட்டி இந்த விருதும் பால்ஹாஸ் பெல்லோ அங்கீகாரமும் அவருக்கு வழங்கப்படுகிறது என்று செயன் கூறியுள்ளார்.