இந்திய கிரிக்கெட் அணி அறிவிப்பு: மீண்டும் பாலாஜி
மும்பை:
பாகிஸ்தான் அணியுடன் முதல் டெஸ்ட் போட்டியில் விளையாடும் இந்திய அணி அறிவிக்கப்பட்டுள்ளது. தமிழகவீரர் எல். பாலாஜி மீண்டும் அணியில் இடம் பிடித்துள்ளார்.
இன்சமாம் உல் ஹக் தலைமையிலான பாகிஸ்தான் அணி, 3 டெஸ்ட் மற்றும் 6 ஒரு நாள் போட்டிகளில்விளையாடுவற்காக 28-ந் தேதி இந்தியா வருகிறது.இரு அணிகளுக்கும் இடையேயான முதல் டெஸ்ட் போட்டிமார்ச் 8-ந்தேதி மொகாலியில் தொடங்குகிறது.
இப் போட்டியில் விளையாடுவதற்காக இந்திய வீரர்களை தேர்வு செய்யும் கூட்டம் தேர்வுக்கமிட்டி தலைவர் கிரண்மோரே தலைமையில் இன்று மும்பையில் நடந்தது.
இதில் சவுரவ் கங்குலி தலைமையில் 14 பேர் கொண்ட அணி தேர்வு செய்யப்பட்டு ள்ளது.இதில் காயம் காரணமாகநீண்ட நாட்கள் ஓய்வில் இருந்த தமிழக பந்து வீச்சாளர் எல்.பாலாஜி மீண்டும் தேர்வு செய்யப்பட்டுள்ளார்.
அணி வீரர்கள் விவரம்: சவுரவ் கங்குலி (கேப்டன்), ராகுல் திராவிட் (துணை கேப்டன்), வீரேந்தர் சேவாக், கவுதம்காம்பிர், சச்சின் டெண்டுல்கர், யுவராஜ் சிங், தினேஷ் கார்த்திக், ஜாகிர் கான், இர்பான் பதான், ஆசிஷ் நெஹ்ரா,எல்.பாலாஜி, அனில் கும்ப்ளே, ஜாகிர் கான். வி.வி.எஸ்.லட்சுமண்
இந்த தகவலை கிரிக்கெட் வாரிய செயலாளர் எஸ்.கே. நாயர் மும்பையில் தெரிவித்தார்.