பாகிஸ்தான் கிரிக்கெட் அணி நாளை இந்தியா வருகை

மும்பை:

பாகிஸ்தான் கிரிக்கெட் அணி நாளை இந்தியா வருகிறது.

பல்வேறு சர்ச்சைகளுக்குப் பிறகு பாகிஸ்தான் கிரிக்கெட் அணி நாளை இந்தியா வருகிறது. இந்தியாவுடன் இந்தஅணி 3 டெஸ்ட் மற்றும் 6 ஒரு நாள் போட்டிகளில் விளையாட உள்ளது.

இரு அணிகளுக்கும் இடையேயான முதல் டெஸ்ட் போட்டி மார்ச் 8-ந் தேதி மொகாலியில் தொடங்குகிறது. இதற்குமுன்னதாக பாகிஸ்தான் அணி, வாரிய தலைவர் அணியுடன் 3 நாள் போட்டியில் விளையாடுகிறது. இப்போட்டிவருகிற 3-ந்தேதி தர்மசாலாவில் தொடங்குகிறது.

இரண்டாவது டெஸ்ட் போட்டி கொல்கத்தாவிலும், 3-வது டெஸ்ட் போட்டி பெங்களூரிலும் நடைபெறுகிறது. ஒருநாள் தொடர் ஏப்ரல் 2-ந் தேதி கொச்சியில் தொடங்குகிறது.

இதற்கிடையே முதல் டெஸ்ட் போட்டியில் விளையாடும் இந்திய அணி நேற்று அறிவிக்கப்பட்டது. இதில் தமிழகவீரர்களான எல்.பாலாஜி, விக்கெட் கீப்பர் தினேஷ் கார்த்திக் ஆகியோர் மீண்டும் இடம் பிடித்துள்ளனர்.