தமிழகத்துக்கு நிறைய பலன்கள்: வேலு

டெல்லி:

மத்திய ரயில்வே பட்ஜெட்டில் தமிழகத்திற்கு அதிக முக்கியத்துவம் கொடுக்கப்பட்டுள்ளது. நிறை பலன்கள் கிடைத்துள்ளன என்று மத்தியரயில்வே இணை அமைச்சர் ஆர்.வேலு கூறியுள்ளார்.

இதுகுறித்து அவர் கூறுகையில், 6 புது ரயில்கள் அறிவிக்கப்பட்டுள்ளன. 2 ரயில் சேவைகள் நீட்டிக்கப்பட்டுள்ளன. இரண்டு ரயில்களின்பயண எண்ணிக்கையும் அதிகரிக்கப்பட்டுள்ளது.

பட்ஜெட்டில் ஒதுக்கப்பட்டிருக்கும் நிதி தவிர, ரயில்வே விகாஸ் நிகாம் நிறுவனம் மூலம் பல திட்டங்கள் தமிழகத்திற்குக் கிடைக்கும்.

சென்னைக்கும், டெல்லிக்கும் இடையே மணிக்கு 150 கிலோமீட்டர் வேகத்தில் புதிய ரயிலை இயக்க கொள்கை அளவில் ஒப்புக்கொள்ளப்பட்டுள்ளது என்றார் வேலு.