காங். தலைவர் பழனியாண்டி மரணம்

திருச்சி:

தமிழக காங்கிரஸ் கட்சியின் முன்னாள் தலைவரான எம்.பழனியாண்டி மரணமடைந்தார்.

மறைந்த காங்கிரஸ் தலைவர் ஜி.கே.மூப்பனாருக்கு மிகவும் நெருங்கிய நண்பரான பழனியாண்டி உடல் நலக்குறைவினால் திருச்சியில்நேற்று இரவு மரணமடைந்தார். அவருக்கு வயது 87.

பழனியாண்டியின் மனைவி புனிதவள்ளி பழனியாண்டி, 1996ம் ஆண்டு முதல் 2001 வரை திருச்சி மாநகராட்சி மேயராக இருந்தார்.

தீவிர காங்கிரஸ் தொண்டரான பழனியாண்டி, அடிப்படையில் தொழிற்சங்கவாதியாவார். டால்மியா சிமென்ட்ஸ் நிறுவன தொழிலாளர்சங்கத் தலைவராக இருந்தவர்.

பழனியாண்டியின் மறைவுக்கு தமிழக காங்கிரஸ் தலைவர் ஜி.கே.வாசன் இரங்கல் தெரிவித்துள்ளார்.

மறைந்த பழனியாண்டிக்கு இரண்டு மகன்கள், ஒரு மகள் உள்ளனர்.