விவேக் ஓபராய்க்கு ரோட்டரி சங்கம் விருது

சென்னை:

சுனாமியால் பாதிக்கப்பட்ட கடலூர் மாவட்டத்தில் சிறப்பாக நிவாரணப் பணியாற்றியதற்காக இந்தி நடிகர் விவேக் ஓபராய் இன்றுநடக்கும் ரோட்டரி சங்க மாநாட்டில் கெளரவிக்கப்படுகிறார்.

இந்த மாநாட்டை மத்திய வணிக மற்றும் தொழில்துறை இணை அமைச்சர் இளங்கோவன் தொடங்கி வைக்கிறார். மாநாட்டில்கடலூர் தேவனாம்பட்டினம் பகுதியில் சுனாமி நிவாரணப் பணியாற்றிய விவேக் ஓபராய்க்கு பாராட்டும் விருதும்வழங்கப்படுகிறது.

மேலும் பாதிக்கப்பட்ட மீனவர்களுக்கு உதவ நவீன வசதிகள் கொண்ட படகு ஒன்று காட்சிக்கு வைக்கப்படுகிறது. இதுபோன்ற100 படகுகள் விரைவில் மீனவர்களுக்கு வழங்கப்படவிருக்கிறது.

இதனை ரோட்டரி சங்க மாவட்ட கவர்னர் பெஞ்சமின் செரியன் தெரிவித்தார்.